Chwilio Digwyddiadau wrth Rhanbarth
Gwyl Amgueddfeydd Cymru
Bant a ni eto!
Mae Gŵyl Amgueddfeydd Cymru yn dychwelyd mis Hydref eleni, ac mae’n fwy nag erioed, gyda phythefnos gyfan o ddigwyddiadau a gweithgareddau arbennig i bob oed mewn amgueddfeydd ledled Cymru, llawer ohonynt AM DDIM. Mae’r Ŵyl eleni yn rhedeg o ddydd Sadwrn 22 Hydref tan ddydd Sul 6 Tachwedd, fel bod ein hamgueddfeydd yn gallu cynnig #hannertymorhannesyddol i deuluoedd o Gymru ac ymwelwyr o’r tu hwnt i’n ffin dros eu gwyliau hanner tymor, a digon o halibalŵ Calan Gaeaf hefyd!
Mae yna ddreigiau i’w darganfod, posau i’w datrys, gweithgareddau gwyddonol gwych, crefftau i’w gwneud a theithio amser i swyno ymwelwyr iau, a chystadleuaeth ffotograffau Instagram yn arbennig ar gyfer rheini yn eu harddegau. Ond nid mond ar gyfer ymwelwyr iau y mae’r ŵyl hon. Ceir hefyd sgyrsiau, darlithoedd, crefftau, teithiau tu cefn llenni, a sesiynau cadwraeth i swyno a synnu helwyr hanes o bob oed.
Cadwch lygad ar y dudalen ‘Ein Digwyddiadau’ o ddechrau mis Hydref i ddod o hyd i weithgaredd yn un o amgueddfeydd gwych Cymru.
Digwyddiadau Nesaf
Ein Newyddion Diweddaraf
Amgueddfeydd ledled Cymru Yn Paratoi Llawn Crochan o Ysbrydoliaeth
Mae amgueddfeydd ledled Cymru yn brysur paratoi llawn crochan o ysbrydoliaeth ar gyfer #hannertymorhanesyddol, wrth i amgueddfeydd ledled y wlad baratoi ar gyfer Gŵyl Amgueddfeydd Cymru. Eleni bydd cymysgedd o ddigwyddiadau byw gwych mewn amgueddfeydd ar hyd a lled y Genedl, yn ogystal â gweithgareddau ar-lein i'w mwynhau. Fel bob amser, bydd gwledd o weithgareddau i'r hen a'r ifanc, a bydd y mwyafrif AM DDIM. Ariennir Gŵyl Amgueddfeydd Cymru gan Lywodraeth Cymru. Mae'n ddigwyddiad blynyddol a gyflwynir gan Ffederasiwn Amgueddfeydd ac Orielau Celf Cymru, sef y corff eirioli ar gyfer amgueddfeydd ac orielau a'r rhai sy'n gweithio yn y sector hwn yng Nghymru. Ar hyn o bryd mae'n cynrychioli dros 100 o amgueddfeydd Cymreig Achrededig unigryw, o rai annibynnol bach i amgueddfeydd...